Lingua Galega: imos seguir coa ortografía, toca practicar hoxe os ditongos e os hiatos no Snappet.
Lengua Castellana: imos traballar un pouquiño máis de literatura. Todos sabemos o que son os contos, verdade? e as partes dos contos tamén, verdade? Pois imos repasalo no Snappet e logo ides inventar vós un conto, da temática que queirade e coa extensión que vos apeteza (menos de 5 liñas non é un conto); facédeo con tranquilidade vale porque é tarefa para todo o fin de semana. Cando o rematedes, enviádemo por favor.
Plástica: no colexio estabamos coloreando ao estilo do Pop Art, lembrádesevos? Uns a Mickey Mousse e outros a Marilyn Monroe. Lembrádesvos como se chamaba o artista?
Pois agora imos ser nós os artistas, sen copiar a ninguén, vale? só seguindo o estilo do Pop Art.
Propóñovos o seguinte: que collades folios de cores (un folio igual é moi grande, partídeo en catro partes iguais) e fagades nel unha estampación ou varias pero sempre o mesmo debuxo ou con moi pequenas modificacións, sempre do mesmo obxecto pero con cores diferentes. Logo colocamos todos os folios xuntos (podémolos unir por atrás con celo) e xa temos un cadro de Por Art.
Os que non teñades folios de cores, pintádeos antes dunha soa cor.
Os que non saibades que estampar, probade a facer selos cunha pataca, déixovos unha imaxe.
E despois non esquezades enviarme as fotos das vosas creacións.
Se non tedes témperas ou acuarelas, deixade voar a vosa imaxinación; todas as vosas propostas serán ben recibidas.
O resultado sería algo semellante a isto, pero agora entra en xogo a vosa creatividades e orixinalidade.
Educación Físca: o profe Iago deixouvos as actividades na páxina web.
E como sei que a algúns lles gusta traballar na fin de semana, vouvos deixar abertas no Snappet unhas comprensións lectoras por se vos apetece seguir traballando.
Boa fin de semana, gozade da vosa familia.
No hay comentarios:
Publicar un comentario