Actividades para o xoves 26 de marzo

Ciencias Sociais: ides ler o texto que aparece a continuación e contestarme a unha pregunta.

Fai unha lista dos membros da túa familia. Cales forman parte da poboación activa? E da poboación inactiva?
Como o exercicio é moi sinxelo, imos entender a palabra FAMILIA  o máis extensa que se vos ocorra (tíos, curmáns, bisavós...).

Inglés: xa vos envía as tarefas a profe Alba.

Ciencias Sociais: seguimos con Ciencias Sociais e imos afondar un pouquiño máis no traballo e de paso valorade cal é o sector ou sectores que continúan a traballar no seu traballo (e non dende a casa como nos pasa aos profes e aos nenos/as) con isto do Coronavirus.
Déixovos un par de imaxes para ler e despois unhas tarefas.

 1. Explica que é a poboación activa?
2. Debuxa unha paisaxe dedicada ao sector primario. Que actividades destacan?

Os seguintes vídeos pódenvos axudara a entender mellor.






 Matemáticas: continuade traballando coas fichas do profe Avelino.

Relixión: xa vos envía unha mensaxe a profe Conchi.

Valores: e imos falar agora do que de verdade nos está importando estes días.
Lembrades a nosa última clase? Pois imos reflexionar un pouquiño sobre ela, e como non podemos falar entre nós e intentar chegar a acordo, imos falar cos nosos pais, nais, irmáns... que estea con vós.
Como pensades que vos está afectando esta nova situación que estamos vivindo?
Como vos sentides?
Pensades que alguén pode facer algo para que vos sintades mellor?
Que vos faría sentir mellor?
Que é o que mais botades en falta?
Que desexariades estar facendo agora?
Pensades que facemos ben quedando na casa? Por que?
A quen estamos axudando quedando na casa?

Non quero que me contestedes a todas estas preguntas, quero que pensedes en todas elas e faledes con alguén delas. Unha vez fagades iso, quero que plasmedes no papel a vosa reflexión sobre todas esas preguntas... podédelo facer en forma de debuxo, en forma de poema, en forma de diario, en forma de manualidade... o que vós pensedes que representa mellor como vos sentides.
CREO QUE ESTA É A TAREFA MÁIS DIFÍCIL DA SEMANA, PERO TAMÉN A QUE MÁIS VOS VAI AXUDAR A ENTENDER ESTA NOVA VIDA.
Unha vez que o teñades feito, mandádeme o voso traballo que me interesa moito saber como vos sentides.

E para os que boten de menos o Snappet, déixovos unha comprensión lectora que está relacionada co tema de ciencias sociais. 3.12