Lingua Galega: o repaso de hoxe é moi fácil (para que vos esforcedes máis na actividade de ciencias), imos lembrar o que son os enunciados e os tipos de oracións no Snappet.
Mirade que sinxelo é, máis resumido, imposible.
Matemáticas: continuar co traballo do caderno do profe Avelino (poñédevos en contacto con el ante calquera dúbida).
Inglés: xa vos manda as tarefas a profe Alba.
Ciencias da Natureza: continuamos co tema de onte. Imos realizar a seguinte actividade, pero os grupos van ser familiares, vale? os irmáns/ás, avós, avoas, papá, mamá... aqueles cos que convivades estes días, así demostrádeslle todo o que sabedes.
Escollede o ecosistema que máis vos guste e a traballar.
Se precisades información sobre algún tipo de ecosistema podedes recorrer aos vídeos de onte e senón a vosa familia seguro que sabe un montón (se a vosa familia non sabe, enviádeme unha mensaxe e dígovos onde buscar información do ecosistema que máis bos guste).
Cando rematedes mandádeme unha fotiño e súboa aquí para que poidades compartir os vosos traballos.
No hay comentarios:
Publicar un comentario