Seguimento de actividades

Estimadas familias:

O alumnado de 4º vai empregar a metodoloxía de Snappet (https://es.snappet.org/) na aprendizaxe das linguas durante as próximas oito semanas, formando parte dunha proba piloto que se está instaurando na nosa comunidade e que permite recopilar e analizar o número de actividades que realiza o alumno/a e o seu progreso en cada área, permitindo unha ensinanza personalizada.

O programa está pensado para desenvolverse nas aula cunhas tablets que xa temos no centro, pero en vista das actuais circunstancias, ten unha opción para seguir traballando na casa que é a que imos empregar.

O procedemento é moi sinxelo.

1.       O alumnado ten que conectarse con calquera aparello que teña acceso a internet (móbil, Tablet, ordenador) ao enderezo https://es.snappet.org/ (se poñedes snappet no buscador xa é o primeiro que aparece).

2.       Unha vez na páxina de snappet temos que clicar no apartado de alumnos/a que está na esquina superior dereita.

3.       Unha vez entramos no apartado dos alumnos/as temos que completar o nome de usuario e contrasinal dos nenos/as (enviareivolo de xeito individual aos nenos/as que non viñeron hoxe a clase).

4.       Ao entrar atopámonos con tres materias e temos que clicar nelas, na que a nós nos interese practicar nese momento.

5.       Unha vez entremos nesa materia aparécenos a seguinte ventana e temos que clicar en lecciones

6.       Unha vez aí podemos ver as leccións ás que temos acceso e empezar a traballar.

7Todos os días darei de alta un apartado novo das materias de lingua e lengua para que os nenos/as poidan ir facendo na casa e eu vou ter datos actuais do seu traballo e tomarei as medidas que considere.

8.       As actividades que farán os nenos/as serán todas de repaso, e antes de cada grupo de actividades sempre haberá algún tipo de explicación.

Agardo que todo funcione correctamente, e para calquera dúbida non dubidedes en contactar comigo.

silviapuga@edu.xunta.es