Actividades para o 1 de abril

Cambiamos de mes... que ben... a min é o mes que máis me gusta. A ver se algún sabe cal é o motivo? Deixádeo nos comentarios se o sabedes.

E imos coas actividades de hoxe... ánimo que só quedan 3 días para as vacacións.

Lingua Galega: hoxe toca practicar un pouquiño a comprensión lectora no Snappet, pero fixádevos ben e lede as veces que fagan falta que ás veces cometedes erros por non fixarvos.

Lengua Castellana: o pasado venres repasamos os ditongos e hiatos en lingua galega, verdade? Pois agora imos repasar os diptongos e hiatos en lengua castellana no snappet.
Aquí vos deixo un esquema moi sinxeliño.

Música: xa se pon en contacto con vós o profe Sergio.

Educación Física: o profe Iago tenvos unhas actividades na páxina do colexio, clicade nesta ligazón e facede un pouco de exercicio (os vosos pais e nais tamén poden): https://padlet.com/iagorivlor/m9u9y4cv2o0r

Afondamento: imos practicar o resumo cunha actividade de Snappet, son moi poucas tarefas porque o que de verdade me interesa e que me fagades nun folio en branco a última actividade que é resumir a última película que mirastes.

Cando a teñades enviádema, pero non lle poñades o título a ver se polo voso resumo son quen de saber que película é.
O resumo non ten que ser moi longo, ao contrario, con 5 liñas ou 6 é suficiente.



Se vos interesa practicar o resumo, entrade na seguinte ligazón.