Actividades para o venres 24 de abril

Ánimo nenos/as... que acabou a semana e... o domingo podedes saír.
Eu non sei vós, pero os meus fillos estano desexando. Poderemos ir en bici.
Lembrade que para saír temos que seguir unhas normas e estar sempre acompañados dun adulto. No blog do Equipo de Dinamización da Lingua Galega tedes toda a información edlgpontesampaio.blogspot.com.es

Imos a polo venres entón.

Matemáticas: revisade a aula virtual para ver as tarefas do profe Avelino.

Lingua Galega: esta semana aínda non fixemos ningunha comprensión lectora, así que chegou o momento. Imos facer unha comprensión lectora no snappet.
Deixeivos na aula virtual máis comprensións lectoras tanto en galego como en catelán e tanto para imprimir (os que non teñades impresora, escribide as respostas nun folio e poñédesme ao principio o título da lectura e de que arquivo é) como para facer en liña. Esas comprensións lectoras son totalmente voluntarias para reforzar a destreza.
Ao longo da próxima semana irei subindo máis actividades para traballar a comprensión oral e escrita, a expresión escrita, a memoria, a atención...

Consellos para mellorar a túa comprensión lectora:

1. O máis importante: LER.
   
   

Para ser capaz de mellorar a túa comprensión lectora o primeiro que debes facer é crear o hábito de ler. Isto axudarate moitísimo a mellorar diferentes aspectos da lectura. Ao ler irás aprendendo a analizar o contexto, a mensaxe do que les e ademais mellorarás moito o teu léxico, entre outras cousas.

2. Non teñas présa.
   
   

Un bo lector/a sabe adaptar a velocidade de lectura á dificultade do texto. A veces terás textos máis sinxelos nos que avanzar máis rápido, e outras veces, nas que o texto presenta unha maior dificultade terás que baixar o ritmo de lectura para identificar a mensaxe do texto e entendelo á perfección.

3. Analiza constantemente o texto que les.
   
   

Os interrogantes serán os teus mellores amigos á hora de ler. Pregúntate constantemente que, como, cando, por que, etc. Este paso é indispensable para poder identificar e comprender calquera tipo de texto.

4. Busca o significado das palabras que non entendas.
   
   

Se non entendes unha palabra deixa o que estás facendo e busca o seu significado. Le a definición con atención ata que saibas ben que significa. Aínda que non o creas, unha simple palabra pode cambiar drasticamente o significado do texto completo.

Lengua Castellana: imos reforzar o estudo dos determinantes posesivos repasándoos agora en castelán.
Podedes ver os vídeos que vos engadín o mércores para recordar e déixovos a continuación unha táboa, un pequeno resumo e outro vídeo.

Cuando decimos «mi libro», «nuestra casa», «amigos míos», estamos usando los determinantes posesivos para indicar a quién pertenece lo nombrado por el sustantivo: mi, nuestra, míos… son solo algunos de los posesivos tenemos en español.


 

Plástica: hoxe propóñovos unha actividade diferente, unha actividade que mestura expresión artística e expresión corporal.
Tedes que escoller unha obra de arte (pode ser pintura ou escultura) de calquera museo do mundo ou colección privada, e imitala.
Cando xa teñades feita a vosa representación que vos fagan unha foto e enviádesma xunto cunha imaxe do cadro ou escultura orixinal. Non esquezades poñer o título da obra, o nome do artista e en que museo a podemos atopar.

Sodes uns artistas. Simplemente xenial

Educación Física: quen se anima a facer algún dos retos do profe Iago. Se mos enviades, fágollos chegar.