Actividades para o venres 22 de maio

E xa rematou a semana... ademais con tanta calor.

Lembrade que temos a reunión de CiscoWebex ás 12:00.

Matemáticas: as actividades do profe Avelino están na aula virtual.

Lengua castellana e lingua galega:  a partir de agora os venres ímolo dedicar ao reforzo dos contidos xa traballados nas linguas estes últimos 2 meses.

Este reforzo ímolo realizar a través do snappet e vai ser individual para cada neno/a (de tal xeito que non colgarei información dos contidos a traballar aquí porque son individuais) e apareceralle na bandexa de snappet de listas de traballo. 

O traballo irá dedicado a reforzar aqueles contidos nos que obtivestes menos éxito e máis a realizar aqueles que vos foron quedando atrás ao longo dos meses.

Engadirei a lista de traballo todas as semanas e dedicaremos as sesións do venres a este reforzo do reforzo.

Plástica: hai un pintor que me encanta... pero non vos vou dicir como se chama. Ese é o voso traballo de hoxe... tedes que averiguar como se chama o autor deste cadro e onde naceu.

Unha vez que o averigüedes douvos dúas opcións de traballo:

1. Facer unha pequena biografía sobre o autor e sobre o seu estilo.

2. Imitar o seu estilo pictórico e realizar vós unha composición similar ás súas: podedes debuxar, recortar, compoñer... o que máis vos guste.

Educación Física: as actividades do profe Iago están no Paddlet da aula virtual.

E que non falte o enigma.

Gozade da fin de semana todo o que poidades e vémonos o luns.